Suliaq uannuinnaq tunngasunik paasissutissaqarpoq
Paasissutissanik Nakkutilliivimmut naammagittaalliunnginninni, isumassarsiatsialaassaaq misissussallugu inuttut paasissutissaatitit paasissutissanik illersuinermut tunngasumik inatsisinut akerliusumik suliarineqarnersut.
Isumassarsitsialaavoq paasissutissaatinnik suliarinnittut attavigalugit aallartikkuit. Paasissutisaanik Nakkutilliivimmut naammagittaallioruit paasissutissanik akisussaasut attavigeqqaartinnagit (suliffeqarfik imal. pisortat suliffeqarfia, naammagittaalliuutigisat) qinnuigissavatsigit paasissutissanik akisussaasut attaveqqaarnissai.
Paasissutissaatitit paasissutissanut illersuinermut tunngasumut inatsisinut akerliusumik sulirineqarpata, paasissutissanillu akisussaasumut ajornartorsiut aaqqeqqaartinnagu saaffiginnissimaguit Paasissutissanik Nakkutilliivimmut naammagittaalliorsinnaavutit.
Suliaq allanik uannuinnaanngitsoq tunngasunik paasissutissaqarpoq
Naammagittaalliorneq ilinnuinneq paasissutissanut tunngasuunngippat, Paasissutissanik Nakkutilliivimmut aallaavittut naammagittaalliorsinnaanngilatit. Inulli alla sinnerluguli naammagittaalliorsinnaavutit, kisianni pisinnaatitsissuteqassaatit. Atuutinngilarli, meeqqannut ukiukitsumut imal. pisuni immikkuullarissuni sinnerlugu naammagittaallioruit.
Paasissutissanik Nakkutilliivimmut siunnersuummik nassiusserusuppunga
Suliaq ilinnuinnaq paasissutissanik tunngasuunngippat, pisinnaatitsissuteqarnallu, kisianni nalunagu, arlaannik pisoqartoq, inatsisinut unioqqutitsisinnaasumik, siunnersuummik nassiussivigisinnaavatsigut. Eqqarsaatigissagaluarparput, suliaq nammineerluta sukumiisumik misissussanerlugu.
Imatut naammagittaalliussaatit
Paasissutissanik Nakkutilliivimmut naammagittaalliorsinnaavutit digitalikkut allagarsiivik aqqutigalugu naammagittaalliuutivit nassiunneratigut. Paasissutissanik Nakkutilliivik digitalikkut allagarsiivik aqqutigalugu attavigisinnaanngikkukku imal. attavigerusunngikkukku, saaffiginnissinnaavutittaaq uunga dt@datatilsynet.gl.
Paasissutissanik Nakkutilliiviup minnerpaamik atit najukkallu naammagittaalliuutivit suliarinissaanut ilisimasariaqarpaa. Aallaavittut kinaassutsimik isertuussisumik naammagittaalliuutit suliarineq ajorpavut. Naammagittaalliuutit sulirissagutsigu, pisariaqartipparput paasissallugu kina naammagittaalliuutiginerit sunalu naammagittaalliuutiginerit.
Paasissutissanik Nakkutilliiviup tamatigut innersuussutigivaa inuttut paasissutissaatinnik suliarinnittoq pillugu paasissutissanik akisussaasoq attavigeqqaassagit. Naammagittaallioruit, paasissutissanik akisussaasumik attaveqaqatigiinnersi assilillugu taamaammat kakkiuttariaqarpat.
Malugiuk: Paasissutissanik Nakkutilliiviup fil-it imak ittut tigusannginnamigit (ass. .exe, .zip eller .rar.) imal. nipimik imal. aalasunik immikkoortortalinni fil-inik. Taamatuttaaq fil-it avataaniit linkiniit imal. USB-stikimiit nassiussat aqqutigalugit fil-it aasinnaannginnatsigit.
Paasissutissanik Nakkutilliiviup suut naammagittaalliuutigineqartut suliarisinnaanngilai?
Paasissutissanik Nakkutilliiviup taamaallaat inunniit, inuttut paasissutissanik suliarinninneq pillugu naammagittaalliuutigineqartoq pillugu suliarisinnaavai. Assersuutigalugu naammagittaalliuutit ima ittut suliarisinnaanngilavut:
- Politiit iliuuseqarneri, assersuutigalugu oqarasuaatit politiit arsaarinnissutigisimappassuk.
- Oqartussat allat oqartussaaffigisami iluinni aalajangigaat, assersuutigalugu siusinaartumik soraarnerusutisiat pillugit kommunip aalajangiinera.
- Oqartussat allat allagaatinik takunnissinnaatitaanerannut itigartitsinerat pillugu aalajangiinerit.
Paasissutissanik Nakkutilliivik qaqutigut oqaasiinnakkut nalunaarutinut isummersinnaasarpoq. Aallaatittut suliat inunnut ataasiakkaanut sammisunut atatillugu allat inuttut immikkut paasissutissaannik suliarinnittoqartillugu suliarinnissinnaasanngilagut. Ilaatigut ima pisoqakkajussinnaavoq, soorlu assersuutigalugu innuttaasoq social mediakkut innuttaasumut allamut paasissutissanik avitseqateqarsinnaasoq.
Paatsuungaguit attavigiuaannarsinnaavatsigut. Taava ilitsersorsinnaavatsigit qanoq Paasissutissanik Nakkutilliiviup suliaq suliarisinnaatigineraa imal. qanoq allatut ikiorsinnaanerlutit.
Ingerlariaaseq suua?
Paasissutissanik Nakkutilliivimmut naammagittaallioruit suliaq elektronikimi sullisseriaasitsinni allakkanilu sullisseriaatsitta systemitsinni suliaq pilersinneqarpat kingornalu sullissisutsinnut ingerlatinneqassaaq.
Paasissutissanik Nakkutilliiviup suliassat suliarissaguniuk, pingaaruteqarpoq ersareqqissaartumik paasissallugu suna naammagittaalliutiginerit qanorlu isumaqarnersutit paasissutissaatinnik suliaqarnermut akisussaassuseqartoqarnersoq. Suliap suliarinerani taamaammat pisaraiqarsinnaavoq paasissutissanik amerlanerusunik imal. uppernarsaatinik amerlanerusunik qinnuigigitsigit. Aammattaaq naammagittaalliorfigisat attavigisinnaavarput paasissutissat pisariaqartitavut pissarsiariniarlugit.
Nammagittaalliornermut periarfissat
Paasissutissanik Nakkutilliiviup aalajangerneri allaffissornermi oqartussamut allamut naammagittaalliutigineqarsinnaanngillat, naleq. inuttut paasissutissanik inatsit § 60 aamma inatsisitinik eqquutsitsinissamut inatsit § 42, imm. 2. Paasissutissanik Nakkutilliiviup aalajangiineri eqqartuussivimmut eqqunneqarsinnaappulli, naleq. inatsit tunngaviusoq § 63.